Sunday, March 11, 2012

නරුමයෙක් කුමරියට පෙමින් බැඳුනා...


ලෝකය විශාලයි.. එ නිසාම වෙනු හැකියි එකම දේ වුනත් නැවත නැවත සිදු වෙන්නේ.. ජීවිතය ආදරය ගැන එකම කතාව වෙනස් කාල රාමු තුල, වෙනස් දේශ රාමු තුල, වෙනස් රූපයන් සමග නැවත නැවත ඇහෙන්නේ.. ආදරය, ජීවිතය සිදුවීමක් විදියට හිතුවොත් සර්වකාලීනයි...


 

වැහි බික් නොම දැනුන රත් අහස වගේමැයි
සිසිලසක් නොම දුටුව රළු කතර ඔහු සමයි
ජීවිතේ අරුතකුදු නොදත්තෙකු පිය තබයි
දෙස් තැබුනි හැම මුවින්, නරුමයෙක්!

දෑ සමන් සුවඳ රැඳි හමන මද පවන ලෙස
පිනි මතට ළහිරු කැන් දිලෙන හිමිදිරිය ලෙස
ඔප වැටුන රුවන් ලෙස, රුවැති සුර දුව විලස
ආදරෙයි මුළු ලොවම, කුමරියක්!

ජීවිතය පුදුමයක් යන වදන සැබෑවකි
ආදරේ කඩොළු නැති නොවැටහෙන අරුමයකි
නෙක දනව් ඇවිද විත් හමුවීම අහඹුවකි
නරුමයා කුමරියට පෙමින් බැුනා...

නුබ පොළොව බැ‍‍‍‍‍ඳෙන විට විදිලි ගිගුරුම් මැවෙත්
ගිනි යබොර දිය වැදෙත පුපුරුවා දළු නැගෙත්
ඇගෙ ලොවට ඔහු වෙලෙනු දැක ලොවම එදිරිවෙත්
යළි වරක් නරුමයා තනිවුනා...

දිය පොදක ඉව වැටී විල් තෙරට පිය මනින
මල් රොනක රස දැනී මල් ගොමුවෙ බිු රැ‍ඳෙ
ලෙස ඔහුගෙ සිත පතුලෙ සංග්‍රාමයක සටන
ඇවිලිලා ඔහු තුලම නිමවුනා...

අතරමං තුරු පතරෙ පා ලකුණු දකින ලෙස
මැකී ගිය දිය කඳුර උල්පතින් පිරෙන ලෙස
ජීවිතේ සතුට දෙන අර්ථයක් සොයන ලෙස
සංසුන්ව නරුමයා පිටවුනා...
දුර ඈත සිතිජයේ සැඟවුනා...

 
- ඩයිනමයික් - DynaMic

2 comments: