Friday, January 20, 2012


 අතීතය කියන්නෙ මහ පුදුම දෙයක්. අපිට වෙන ඕනම සිදුවීමක් (සමහර විට දැන් අපි මතක් කරන්න පවා අකමැති) කාලයක් ගතවෙලා අතීතය බවට පත් වුනාම කාට හරි කතන්දරයක් වගේ කියන්න වුනත් පුළුවන් තරම් සුන්දර වෙනවා. ඒව අත්දකින වෙලාවෙදි මොන හැඟීමක් දැනුනත් අතීතයේ දි ඒව ලස්සන කතන්දර බවට පත්වෙනවා.. මේ හැම දේම මායාවක් නිසා වෙන්නැති..

මේක මතක් කරන්න අකමැති කතාවක් නෙමේ.. මතක් කරන්න හරිම අමාරු එකක්.. මොන්ටිසෝරියෙ පලවෙනි දවස යාන්තං වගෙ මතකයි.

පියානෝව
 
මොන්ටිසෝරි යන්න පළවෙනි දවස ලංවෙනවා. ඒ ටික කාලය හරිම අලුත්. අලුත් පොත් පැන්සල්, ස්ටිකර් කොල පිටින් ගෙනල්ල පොත් වල අලෝනව අම්මයි තාත්තයි. මටත් රට රාජ්ජෙකට යන්න වගේ සැලකිලි. තාත්ත මාව බයිසිකලේ තියං යනව ටේලර් සාප්පුවට.. ටේලර් අංකල් ටේප් පටිය ඇඟ වටේට තිය තිය මනිනව. මං ඉස්සර හරි කෙසඟයි. ටේප් එක දහ දොළොස්  වතාවක් වුනත් ඉන වටේ එතුව හැකි කියල අංකල් කිව්ව. කොන්ඩෙත් කැපුව නෑඹිලි කට් එක වගේ එකක්. අලුත් සපත්තු අලුත් මේස්, සාක්කුවට තියල කටු ගහන්න හොටු ලේන්සු..

එදා උදෙම්ම නැගිටින්න වුනා. අම්ම අලුත් ඇදුම ඇන්දෙව්වා.. කිරිබත් කැව්වා. ආදරණිය ආච්චි අම්මා එයාගෙ ගවුං කොනෙන් මගෙ කට පිහුවා.  කිරි කොකා වගේ මොන්ටිසෝරියට ගියේ හරියට උඩින්ම ජයගත්ත දේශපාලකයෙක්ගෙ සම්බන්ධිකරණ නිලධාරියා වගේ තේජාන්විත ලීලාවෙන්. මං වගේම තව කොක් පැටව් ගොඩක් ඇවිල්ල. ඒ පිට මිදුල ගස් වලින් වැහිලා හරිම හෙවනයි. හෝලි ෆැමිලි එකේ මොන්ටිසෝරිය තිබුනෙ තාප්පෙන් එහා පැත්තෙ. අපි බට්ටො ටික එහෙ මෙහෙ දුව දුව හිටියා.
සිස්ටර් කෙනෙක්  අපිට ආදරෙන් කතා කරල  ගේට්ටුවෙන් ඇතුලට අපිව එක්කං ගියා. අම්මලත් හෙමීට අපි පිටිපස්සෙන් ආව කියල අපිට හිතුනෙ. අපිව එක්කං ගියේ ලස්සන ලොකු සාලාවකට.. අපි ඉබා ගාතෙ අහුවෙන හැම ලස්සන දෙයක්ම අත ගගා බලන්න පටං ගත්තා. (කාට හරි හිතෙනවනං වඳුරොත් එහෙමනෙ කියල, හරියටම හරි එහෙම්මම තමා).. අපිට අපූරු අත්දැකීමක් වුනා ඒක..


ඔය අතරෙ අපෙන් එක්කෙනෙක්ට මතක් වුනා එයාගේ අම්ම කොයි බලන්න.. අම්මල හිටියෙ නෑ.. එයාල තාප්පෙන් එහා පැත්තෙ.. අපි මොන්ටිසෝරියෙ ලස්සන සාලාව ඇතුලෙ. දොරත් වහල. උස් හඬින් පැතිරිච්ච හීන් ඇඬිල්ලක් අර කච බච සද්දෙ පරදගෙන මුළු පරිසරයම වෙලාගත්ත මහා ගාලගෝට්ටියක් විලාපයක් බවට පත්වෙන්න මහ වෙලාවක් ගියෙ නෑ. තමන්ගෙ අම්ම ලඟ නෑ කියල දැනෙනකොට මගෙ කකුල් දෙකත් සර්පිනා (හරි මොනහරි එකක්) ගහන්න පටං ගත්ත.. දැං දොරේ එල්ලීගෙන අපි  හැමෝම කෑ ගහනව අපේ අම්මලව ගෙනත් දෙන්න කියල.

මට තේරුණා මෙහෙම කෑ ගහල තේරුමක් නෑ කියලා..මේ සිස්ටර් ලා අම්මලාව ගෙනත් දෙන්නෙ නෑ කියල සක්සුදක් සේ පැහැදිලියි. මං ගියා සාලාවෙ කොනක ස්ථාපනය කරල තිබුන දේව මෑණියන්ගෙ පිළිරුව ගාවට.. දණ ගහල ඇස් දෙකත් වහගෙන අත් දෙක වැඳගෙන මං එතුමියට කිව්වා "අනේ ජේසු අම්මෙ අපිට අපේ (මට මගේ ද කියල මතක නෑ) අම්මලාව ගෙනත් දෙන්නකෝ!" කියල.


ඒ ඉල්ලීමටත් පිළිතුරු ලැබුනෙ නෑ.. ගොඩක් වෙලා ගියාට පස්සෙ තව සිස්ටර් කෙනෙක් ආවා. ලොකූ ලී උපකරණයක් ගාව තිබුන බංකුවක වාඩිවුනා. පියන විවෘත කරල සුදු කලු යතුරු උඩින් ලස්සන ඇඟිලි තැබුවා. මගෙ ජීවිතේට මං පළවෙනි වතාවට පියානෝවක් දැක්කෙ එදා. පියානෝවකින් සුමධුර තාල මවන හැටි දැක්කෙ එදා.. බිම පෙරලි පෙරලි බෙරිහන් දුන්න අපි ඔක්කොම පියානෝව වටා පොදි ගැහුනෙ මී වදයක රොද බඳින මී මැස්සො වගේ.. අපිට හුස්ම ගන්නත් අමතක වුනා. කොටින්ම කීවොත් අම්මලවත් අමතක වුනා. සුමටව ගලා ගිය ඒ වාදනය අවසන් වුනා. අපි වශී වෙලා වගේ බලාගෙන හිටියා. කිසිම හඬක් පිට කරන්න බැරි වුනා අපි කාටවත්. පුදුම නිහැඬියාවක්. අපි දිහා බලල හිනාවුන සිස්ටර් මොකුත් නොකියාම යන්න ගියා.. අපි එයාගෙ පස්සෙන් දොර ගාවටම ගියා. එදාට මොන්ටිසෝරිය අවසන් වුනා.


පහුවදා මං කෙලින්ම දුවගෙන ආවෙ පියානෝව ගාවට.. තවත් ලමයි එතන හිටියා. ඒ සිස්ටර් එනකං අපි බලන් හිටියා.. ඒත් එදායින් පස්සෙ ආයෙ කවදාවත් අපි ඒ සිස්ටර් ව දැක්කෙ නෑ. ඒ පියානෝව වෙන අය වාදනය කරන්න ඇති. ඒත් මට මතක නෑ. මං සංගීතෙට ආදරේ කරන්න ගත්තේ ඒ සිස්ටර්ගෙ පියානෝ වාදනය අහල කියල කියන්නේ නෑ මං. ඒත් ඒක එහෙම වුනා වෙන්නත් හොඳටම පුළුවන්.


මට තාමත් ගොඩක් හොඳට පියානෝ ගහන්න බෑ. ඒත් කවද හරි මම අපේ ගෙදරට හොඳ පියානෝ එකක් ගන්නවා. මං පියානෝ ගහනවට අකමැති නොවන සහකාරියක් මට ලැබුනොත් විතරක් මං ඒ පියානෝ එක ගහනවා…

-- ඩයිනමයික් DynaMic
 

http://www.okokchina.com/Files/uppic4/DUKE%20UP%20Piano776.gif   
http://rlv.zcache.com/pink_teddy_bear_alphabet_nursery_wall_art_print-r16b5ec0b0daf4d95b6b724a48a012254_wva_400.jpg?bg=0xffffff 

7 comments:

  1. Aththatama e kale kochchara nam sundarada? kisima barak sahalluwak nodanuna ape jeewita harima ahinsaka widihata gala gena giya. Hariyata api hitiye kurulu patau wage. e kurulu pataunta kurulu ammala une oya kiyapu sister (podi sister) & loku sister. Loku sister nam tikak sarai eth apita harima adarei. Mata matakai dawasak man hodatama montesoriyedi asaneepa una. E wele mawa loku sister convent 1ta yauwa.e wele podi sister mata amaruwen kopi peuwa (mataka widihata sister eka powanna loku satanak dunna math itin lesi pahasu kenek nemene). Aththatama eda man laga podi sister hitiye hariyata magema amma wage. Ou aththatama eyala apita montesoriyedi apema ammala una. Deva maniyo apita kochchranam adareda neda? ekane apita gedarin pitathadith hoda ammala laba dunne.

    Matakada naththal kaleta ape montesoriyata santa enawa.eya nam harima usai.api kurumitto tika wage eyage passen duwanawa thagi ganna.hama thaggakama clay pettiyak tibuna wage matakai.

    Kalaya apitath nodanima ikmanata gewila giya. api dan loku lamai wela. wagakeem wadi wela. Eth montesoriyedi keli delen gatha karapu e sundara dagakara kalaya kawadawth ape mathakayan walin makenne nathi wei.

    AADARA DEVA MANIYENI,

    APITA LABA DUNNA AADAREN & SINAHAWEN PIRICHCHA E SUNDARA LAMA KALAYATA OBA THUMIYATA GODAK STHUTHIWANTHA WEMU !!!!!!!!!!!!!!!!!!

    E wagema mage ahinsaka (e kale nam bo pale wage hitiye, dan nam ??????????) sahodaraya wenuwen prarthana dekak karanna kamatiy. E tama,
    podi sister wage oyatath hodata piano eka gahanna puluwan wenna kiyala &
    oyata labena sahakariyath oya wagema piano gahanna kamati kenek wenna kiyala !!!!!!!!!!!!!!!!!!

    SUSEE

    ReplyDelete
  2. මම නම් මොන්ටිසෝරි ගිහිල්ලත් නෑ .... 1 වසරෙ ඉඳලත් නෑ...........!!!!! මොනා කරන්නද ඉතින්. මට මතක මම 2 වසරෙ පන්තියෙ ඉගෙන ගනිද්දි, 1 වසරෙ පන්තියෙ ටීචර් ජනෙලෙන් ඔලුව දාලා සිඳු ඉන්නවා ද අහන්කොට මම "ඉන්නවා" කිව්වුව හැටිනම්, නම් ලකුණු කරද්දි

    -සිඳු-

    ReplyDelete
    Replies
    1. ඒ මොකද 2 වසරෙ ඉන්නකොටත් 1 වසරෙ ටීචර්ගෙ නම් පොතේද නම තිබ්බෙ?
      - ඩයිනමයික් DynaMic

      Delete
  3. සුසී - දිග කමෙන්ට් එකට තෑන්ක්ස්..... ඇයි අනේ, මොනිටොසෝරි විතරමද මතක? මෙච්චර ජොලියෙ හිටිය අපේ A/L පන්තිය මතක නැද්ද?
    -සිඳු-

    ReplyDelete
  4. Kohoma amathaka karannada sindu e kale? Eka polimata hitapu api pasdena (Kau, Enji, Nadee, oya & mama) puduma pissuwakne natuwe. Passe kalekadi Chathurika & Dilath e godata ekathu una. Oyata mathakada ‘MAGE KULUDUL PEMWATHIYA”? ara pattare giya katawa. Kaushala tama e pattara kalla hama sathiyema kapa gena enne. eta passe panthiya purama eka raum gahanawa. Kochchara lassana wachna set ekakda neda Sannasgala sirta tiyenne neda?

    E dawas wala sindoopa hariyata horen kanawa. godak dawas walata dawala gena kama seratama eya interval eka lan wena kota waga kiyala iwara karanawa (habai ithin kame hatiyata neme eyage aga). mathakada ekale apita hariyata surathal saththu hitiya? Gontala & kalu kuruminiyoth e athara hitiya. Samahara ayata api nam haduwa anith ayata notherenna. E atharin pradana thanak gaththe CHAMINDA neda? (dilage priyathama maths buwalagen ekkenkne).

    Oyata mathakada ape supirisudu pokuna & araliya gaha? Ape dukata sapata wen una nawathumpolawal. Mata tama mathakai e pond eke padiye oya ida gena oya mata padi wadan dunnu hati. Mona unath kochchara pissu natuwath (natala iwara kara nam madai eka bo karath ekkane) Sindoopa kiyanne kageth gaurawadarayata path una hugak hoda nirahankara (poddak witara adambara tikak withara wadipura tharaha yana) charithayak. Punchiyata hitapu e charithe godak aya wenuwen godak hoda dewal kara. E pinen adatath oya anith aya wenuwen innawa. Ada wena kota oya hoda dostara nona kenek wela lokaya wenuwen sewaya karanawa. Aththatama hugak sathutui. Adambarai oya gana. Api kochara ath wela hitiyath ape mithudama hamadamath nonasi thiyewi neda sindu?

    Eda wagema adath poda wassa watenawa
    Mal pipunu gaha gawa thawama ida thiyenawa
    Oba mage lagin nathi aduwa mata danenawa
    Mama thawama mata ahimi mage kawiya liyanawa………………

    Hamadamath adarei ………………………….

    SUSEE

    ReplyDelete
    Replies
    1. සුසී.. මට පේන විදියට මේ බ්ලොග් එක ලියන්න ඔයාවත් එකතු කරගන්න පුළුවන් වගේ.. හරි ලක්ෂණට ලියල තියෙන්නේ.. කවියකුත් ලියල තියෙන්නෙ.. ඒ වුනාට ඇහුවම නම් බෑ කියාගත්ත ගමන්මයි.. මොකද කියන්නෙ..

      - ඩයිනමයික් DynaMic

      Delete
  5. ane ba dil.man oyala denna liyana de kiyawannam.eka hodai.bari wada karanna hoda nane.

    ReplyDelete