හැඟීම් අපිට දැනෙනවා.. විස්තර කරන්න අමාරු හැඟීම් ඒ අතර තියෙනවා. පාට අපි දකිනවා.. ඒ පාට අපි විඳිනවා. අපට දැනෙන හැඟීමක් පාට වලින් සිත්තම් කරල පෙන්වන එක කොච්චර අමාරු දෙයක් වෙන්න ඹ්නද.. ඒත් අපේ හිත හරි අපූරුවට එක එක පාට වලට නෙක නෙක තේරුම් හදල දීල තියෙනවා අපේ උපන් දා සිට අත්දැකීම් එක්ක..


සිත්තරෙකුට ඹ්න වුනා එහෙම හැඟීමකට පාට දෙන්න..

හැඟීමකට පාට දෙන්න

http://changingcourse.com/images/j0387552[1].jpg

ජීවිතේ පින්තාරු කරනා සිත්තරෙක්

හිස් බවින් පිරී ගිය කැන්වසය - පින්සලක්

දැනෙනසුළු හදවතක්, පණ ගැහෙන හැඟීමක්

විරහවට පාට දෙන සිතුවමක්…

බිඳුන හද රිදුන සිත, අඳුරු බව - කළු පැහැය

ආදරය නිසයි දුක, ප්‍රේමයේ - රතු පැහැය

පිවිතුරුයි එනිසාම දුක වැඩියි - නිල් පැහැය

ඈ ඔහුගෙ ජීවයයි, හුස්ම දුන් - කොළ පැහැය

ගිලෙන මළ හිරු රැසින් දැවෙන ගත - කහ පැහැය

මංමුලා හිස් බවයි, අසරණයි - සුදු පැහැය

චංචලයි මේ හැඟුම් පටලැවී බැඳිලාය

පාට මුහුවී අමුතු නව පාට සැදිලාය

විරහ දුක පින්තාරු කරනා සිත්තරෙක්

හාත්පස අඳුරු වුන නන් වර්ණ චාපයක්

එය ඉන්ද්‍රචාපයක්! ඔහු තුලද ගැටළුවක්!

ජීවිතේ හරි පුදුම සිතුවමක්…

ඩයිනමයික් - DynaMic